Upoznajte Fibi, najstariju mačku na svijetu

Mačka iz Irske po imenu Fibi, uskoro će i zvanično ponijeti titulu najstarije na svijetu. Za nekoliko mjeseci ova dugovječna maca napuniće 25 godina.

Fibi je rođena avgusta 1989. godine i uprkos krhkoj sićušnoj građi ova mačka uspjela je da preživi čak četvrt vijeka. Osim toga ova mačka nakon svog 25. rođendana takođe će ući i u čuvenu Ginisovu knjigu rekorda kao najstarija mačka na svijetu.

Njena vlasnica u jednom intervjuu ispričala je da kada su udomili Fibi nisu ni pretpostavili da će živjeti ovako dugo. Uvijek je bila dosta slabija i sitnija od ostalih mačaka. Fibi i dalje redovno izlazi u šetnje, međutim poprilčan broj godina ove mace otkriva znatno duže vrijeme koje provodi odmarajući i dremajući.

Do ove godine titulu najstarije nosila je mačka Pinki iz Kanzasa koja je nekoliko mjeseci mlađa od ove irske mačke. Međutim apsolutni rekorder u Ginisovoj arhivi je mačka Lucy iz Velsa koja je živjela čak 39 godina.