Rusija neće izručiti Janukoviča
1 min read
Glavno tužilaštvo Rusije saopštilo je danas da nema osnova za razgovor o bilo kakvom izručenju svrgnutog predsjednika Ukrajine Viktora Janukoviča, budući da je „aktuelna vlast u Ukrajini nelegitimna“.
„Janukovič je punopravni i legitimni predsjednik, a današnja vlast u Ukrajini je, po meni kao pravniku, došla nezakonito, putem oružanog prevrata. Nema nikakvog osnova da rješavamo pitanje Janukovičeve ekstradicije“, izjavio je glavni tužilac Rusije Jurij Čajka, koji je danas doputovao u Simferopolj na Krimu.
„Janukovič je legitimni i zakonit predsjednik i nije počinio krivična djela, dok za vlasti koje se sada nalaze u Ukrajini postoji masa pitanja. Gomila krivičnih djela koja su počinjena tokom tih događaja“, rekao je Čajka, a prenosi Itar-Tas.
Ukrajinsko Glavno tužilaštvo je 28. februara saopštilo da pokreće proceduru za ekstradiciju Janukoviča Ukrajini.
