Naloženo hapšenje Janukoviča

Vršilac dužnosti ministra policije Ukrajine, Arsen Avakov, izdao je nalog za hapšenje smijenjenog predsjednika Viktora Janukoviča.

,,Pokrenuli smo proceduru krivičnog postupka zbog masakra mirnih građana. Janukovič je, kao i ostali odgovorni zvaničnici, stavljen na nalog za hapšenje“, rekao je Avakov.

Ukrajinski parlament razriješio je dužnosti Janukoviča većinom glasova, oslobodio iz zatvora bivšeg premijera Juliju Timošenko i odlučio da se vanredni parlamentarni izbori održe 25. maja. S druge strane, Janukovič je poručio da neće dati ostavku.

Nije poznato gdje se Janukovič nalazi, jer je on u subotu navodno iz Harkova pokušao da pobjegne u Rusiju, ali ga je u tome spriječila granična policija.

U Kijevu je mirno, ali se na trgu Majdan sinoć okupilo oko pet hiljada građana koji su mirno protestovali zbog povratka Timošenko na političku scenu.