Nadal propušta Olimpijadu?

Olimpijske igre mogle bi da proteknu bez jedne od najvećih sportskih zvijezda današnjice, pišu Vijesti.

Rafael Nadal razmišlja da preskoči nastup u Tokiju.

„Ne znam još, nemam precizan odgovor, ali u normalnim okolnostima ne bih ni pomišljao da propustim Igre, jer mi je to takmičenje veoma važno. Međutim, u ovakvoj situaciji, nisam siguran“, kazao je Nadal.

Jasno je da pandemija koronavirusa utiče na planove…

„Moram da organizujem kalendar, u normalnoj godini znao bih sve 1. januara, a sada moram da budem fleksibilan. Pandemija nam je poremetila živote. Mi, teniseri, vodimo neobične živote, putujemo često u vrijeme neizvjesnosti, vjerujte mi da smo mnogo svjesniji problema oko koronavirusa“, kazao je Nadal, koji u srijedu počinje Masters u Rimu, duelom sa Janikom Sinerom.

Olimpijske igre počinju 23. jula. U Tokiju je na snazi vanredno stanje zbog koronavirusa.