Kovač o slučaju DK: Uvijek sam za to da se pritvor zamijeni blažom mjerom

Pritvor mora biti krajnja mjera i uvijek sam za to da se pritvor zamijeni blažom mjerom, komentarisao je bivši ministar pravde Marko Kovač slučaj predsjednika Atlas grupe Duška Kneževića, koji se nalazi u pritvoru.

“Naši sudovi pritvor određuju i kad postoje uslovi i razlozi da se zamijeni blažom mjerom. Naravno, samo da se ne dovede u pitanje tok postupka”, pojasnio je Kovač u emisiji “Minula neđelja” na Aplus televiziji.

Dotakao se teme i oko jemstva.

“Kada vi date zalog, ne postoji način da će to lice opstruirati postupak. Drugačije je i komunicirati sa svojom odbranom kad ste na slobodi, nego kad se nalazite u pritvoru”, zaključio je Kovač.