Jelušić: Na odmoru sam, nemam vremena da gledam šta rade Abazović i Adžić

Funkcionerka GP URA Božena Jelušić je na pitanje da prokomentariše optužbe Dritana Abazovića i Filipa Adžića na račun pojedinih medija i nevladinih organizacija, rekla je da, s obzirom na to da je sezona godišnjih odmora, nije upoznata sa dešavanjima o kojima danima pišu mediji.

Ona je kako prenosi Gradska, kazala da je vrijeme godišnjeg odmora, pa nije upoznata sa temom o kojoj su joj tražili mišljenje.

“Da vam pravo kažem, meni je trenutno puna kuća prijatelja katedra za opštu književnost i ništa skoro od vijesti u posljednje vrijeme nisam pratila, tako da nisam ni vidjela, sem što sam ispratila na grupi da su imali nastup ministar Adžić i premijer negdje u medijima. Tako da u ovom trenutku vam ne mogu ništa komentarisati, jer ne znam kontekst. Nisam imala, nažalost, priliku ni taj tekst da pročitam, kažem ljeto je. Imala sam i književno veče i čitanje nekih drugih knjiga, obaveza velikih i 27. jedva čekam, tako da sam u ovom trenutku čista od medijskih natpisa i bogami mi je to bilo potrebno ovako barem u julu”, navela je Jelušić za Gradsku TV.